Dandalin sada zumunta na Facebook ya kirkiro wani sabon madannin “tausayi” da zai maye gurbin madannin “so” ko kuma “like” a Turance.

Idan mai amfani da shafin ya zabi alamar da ke nuna bakin ciki ko bacin rai a lokacin da ya ke rubuta wani labari, sai madannin “so” (like) ya koma “tausayi” (sympathise).
Wani injiniyan Facebook ya ce an kirkiro fasahar ne saboda korafe-korafen da wasu daga cikin masu amfani da shafin ke yi.
Sai dai kuma ya ce za’a dau lokaci kafin kaddamar da sabon madannin ga ma’abota shafin.
Ganawa da masoya
A wata ganawa da masoyan Facebook, wani mahalarcin taron ya yi tambaya game da yiwuwar sauya madannin “so” (like) idan hakan bai dace da labarin da mutum ya rubuta ba, kamar ace ya bada labarin rasuwar iyayensa.
Wani injiyan manhajar kwamfuta a Facebook Dan Muriello ya ce tuni kamfanin ya riga ya kirkiro wannan madanni.
Ya ce; “Mutane da dama sun bayyana farin cikinsu da samun wannan sabon madanni sai dai mun yanke hukuncin cewa ba yanzu ya kamata mu fara amfani da shi ba.”
Kamfanin Facebook kan gana da masoyansa akai-akai domin jin ra’ayoyinsu game da yadda za’a inganta dandalin.
Sanadiyyar irin wannan ganawar ne kamfanin ya samar da hanyar aika sako ta Facebook da kuma tsarin tallatawa mai amfani da shafin wasu mutane da aka fuskanci yana da dangantaka da su don ko za su kulla abota.

What can you say about this post?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s